14 💌不一樣的[聖經堂](1973 上5C)
神(明)的概念可能不是來自聖經堂，
也許比聖經堂還早。
聖經堂，少稚小問道之初，「問題」人生的開始。
聖經告訴你生命的究竟。
🔭 🔭 🔭 🔭
同學:「神又睇唔到，点知佢存在？」
林生:「好多嘢我哋肉眼睇唔到，但係又實際存在噃…好似風啦…」
同學:「睇到啲嘢吹郁吖嗎…」
林生:「咁電呢？人未發現電之前，係咪電又唔存在呢？」
同學:「我俾電 電過…」
林生:「你先知道有電呢樣嘢，然後才知道俾電電親呀！」
⚡ ⚡ ⚡ ⚡
林生:「大家諗吓世上有啲乜嘢係我哋睇唔到但又相信佢存在嘅呢？」
同學:「… … … … … … 」(太多了)
林沃昌:「鬼！」
哄堂大笑。
「咁有冇人見過鬼？」
「信就有 唔信就冇」「疑心生暗鬼囉！」
林生:「冇錯，就係相信、信心，一個信字。」
「其實生活裏面，我哋無時無刻俾咗好多信心出去，會唔會只係我哋唔察覺？」
「你坐巴士，會唔會擔心危險？」
「唔會」…「有時會」…「大部份時間都唔會」
「有冇諗過点解呀？」
「巴士安全囉。」
「点解覺得安全？」
「冇發生意外吖嗎。」哈…哈…哈…
「你覺得安全，就係因為你對巴士司機有信心。」
「你覺得坐飛機安全，就是因為你對飛機師有信心，對航空公司有信心，對我哋政府有信心…因為機司有訓練、公司有擔，政府有監管…我哋對佢哋嘅責任心有信任，所以有信心。」
☺
🔑 🔑 🔑 🔑
「神係點樣嘅呢？」
「如果你係隻蟻，你估你可不可以想像到人係點嘅呢？」
「聖經話:神祂的形象去造人。
你估人又有冇能力可以想像到神係点嘅呢？」
💬 💬 💬 💬
「神愛萬物，你感受到神的愛嗎？」
…一切美麗光明物一切活潑生靈…
「陽光、 水、空氣…都平等給你…神冇收你錢，水務局收你錢之嘛…」
💧 💧 💧 💧
「神既然咁萬能，又点解佢又由得啲人唔信佢呢？」
「隻貓仔狗仔，設計到你㩒制佢即刻嚟，再㩒制即刻錫你，好似操控電動玩具咁…你估呢啲係咪你想要嘅呢？」
「神俾人有自由意志…發自內心的愛才是神所珍重…」
😺 😼 😸 😹 😻 😽 😿 😾 🙀
「点解有啲人咁惨神都唔理？」
「你屋企如果有一個兄弟姊妹冇咗隻手或者隻腳，爸爸媽媽會点？」
「會錫佢多的囉。」「直情錫晒佢㖭啦！」
「所以天父都係一樣，會特別關愛嗰啲受傷害嘅、被遺忘嘅人…被天父差遣嘅基督徒，替神作工的教會都會咁樣事奉。信奉基督的都是神的使者…」
🔍 🔍 🔍 🔍
小五，林健文的聖經堂，告別了傳統單向的聖經故仔，背書不再。
我很喜歡上林生的聖經堂。
相信梁沃昌也是。因為他問很多問題。我記得。
林健文還告訴我們他去菲律賓參加[神學營]~扮演逝者~洗刷自己墓碑~回顧平生~檢視歲月~深省吾身…
⛔ ⛔ ⛔ ⛔
信仰~在於信但更在於仰。
信服是誠心投靠，仰望是虚懷謙卑。
絕對相信:不看見才信有福了！就此得救，如是蒙恩。
這是一種幸福。
淺白又深奧，長得很大很之後才稍懂。
何謂信仰 ?
https://g.co/kgs/L9pmCC
健文在中大崇基[神學院]修讀夜間[神學士]課程
他領我去[神學院]的[讀書營]📚
中學畢業後兩個暑期去了兩次
營中導讀白先勇/三毛當代文學作品外
(三毛後來成為我文學啟蒙老師)
還宏觀論述佛學宗教觀点…
神學生有教會保送入讀準備當牧者的
也有直接考進中大投報的預科生
印象至深莫如陳佐材牧師之言:「來我們這裏讀神學的不一定要在教會當神職人員，神的事奉和愛不只在教會彰顯，就如我們有同學畢業後在學校教書，春風化雨；也有同學任職[廉政公署]，為社會伸張公義…」
真好！
讀書營開啟年青赤子視野
於我影响深遠
【沉默】📖
http://rakugaki-vagilla.blogspot.com/2015/03/blog-post_24.html?m=1
我以此書
送給我永遠的班主任教父林健文
留言
張貼留言