27 🏩💌[基愛]學生唔識英文草書(1974·16屆)

上中學，全班好似只有我唔識寫[英文草書]。
草唔起 抄筆記 豈不是抄得好慢？
寫[Block Letter]又好似OK喎。

我那為人師表的姑媽:「乜你小學冇教你草書㗎？
               人哋小學四年班就教嘞。」
於是指示我要買[Copy Book]寫練寫練。
草書copy book: 就是要一筆一畫地寫，學懂每個筆畫勾法、圈法、串連模式。熟能生巧。
但凡需要重重覆覆練習的我幾乎都唔掂。
冇心機練。

就是因為不嫻草書，
反而「造就」了[正][草]兩溝之[個體字]🔽

十分感激母校沒有教我(規定我)寫英文草書，以致我有空間發展[個體字]。
我個人是很喜歡[字]的，已達輕度迷戀階段。
(Steve Jobs也是個字體狂呀)😜

我的願望是成為一個有筆的人。