26 🏩💌 體育堂

最好玩的堂也是最恐佈的堂。
因為唔記得著[白飯魚]不單要記手册/仲要打赤腳上堂。
(醜死怪/要我打赤腳我情願死呀)

禮堂/新二樓上課還好/操場石屎硬地上堂那才虐…

我一次都未試過。

有日，
比我低兩級的弟弟小息來找我:「家姐/我唔記得著白鞋…」

我打量他的腳:「唔使怕，等我嚟救你。」~心忖邊班今日有體育堂上？5B班！即刻找隔籬班長得跟我弟一樣矮的老友余潔雲/余潔雲二話不說就答應了。
趕快找個暗角換鞋。

校長、潘生小息成日巡操場的，
不然給他們逮到就麻煩大了。

小弟穿余潔雲的白飯魚啱啱好。掂咗！

余潔雲穿小弟綁帶黑皮鞋:「有啲頂趾…一陣啫…唔緊要…」

男鞋女穿，當時極不普遍。有啲怪。
我有点擔心余潔雲會給老師問…

Anyway終於攪掂。
小弟唔使打大赤腳。
我哋3人約定放學地下會合換番鞋。

余潔雲我永遠多謝您啊。